بعد بسم الله السلام عليكم
التحضير: 3كيلات لوز مرحي مدشش + عبار سكر عادي + قشور الليمون بزيادة
خلطيهم وعاودي ارحيهم مع بعض مبعد حطيه في اناء وضيفيلهم نص عبار سكر ناعم وخلطي + البيض بالحبة واعجني حتى تتلم
غطيها وخليها ترتاح3ساعات.
مبعد رشي المايزينة وحليها خشينة واطبعي اي شكل تحبيه
مبعد حطيها في صينية الفرن وخليها كذلك ترتاح من 2سا الى 2سا ونص
دخليها تطيب في فرن 180درجة لمدة 15د.
الشربات: كاس سكر +كاس ماء +قطعة ليمون يطيب بصح يقعد خفيف لما تجي طفي+ 2مغارف معجون يغلي غلية وحدة وطفي.
لما تخرجي لمخبز خليه يبرد مبعد دخليه في الشربات تكون دافئة
مبعد قطريه وخليه لمدة 1ساعة يقطر
مبعد اطليه بالقلاساج وزوقيه كيما تحبي والقلاساج الوصفة موجودة في مواضيعي هنا.
على بالي كامل راكم تنتظروا في المفاجاة
هذا المخبز مخدمتوش باللوز خدمتوا بالكوكاو بدلتوا ذوقه الى بنة اللوز جا اكثر من رائع وكان محضر باللوز كون متقوليش بلي كوكاو مكاش ليعرف وحتى الورود لزينت بيهم لمخبز حضرت عجينة اللوز بالكوكاو وجات ماشاء الله طبعا لمخبز شكلوا بسيط لاني كنت نجرب فقط في ذوق الكوكاو.
وكنت حضرت بيه التمر بعجينة اللوز
تحويل الكوكاو الى بنة اللوز عندك 3مراحل
المرحلة الاولى: ترحي الكوكاوالابيض كيما نرحوه لاي عقدة مبعد ديري الماء يغلي وفيه قطع ليمون
والكوكاو ديريه في كسكاس متخافوش راه ميطيحش منه وديريوا فوقه ابراج ليمون
وخليه يفور مبعد كي يفور حطيه في قصعة
وحكيه بين يديك
وخليه يبرد لمدة 10د.
المرحلة 2:تبدلي الماء وديريلوا ماءزهر+5حبات قرنفل
والكوكاو ديريلوا شوية من لفاني وديريه يفور للمرة الثانية مبعد كي يفور حطيه في القصعة وحكيه وخليه يبرد 10د.
المرحلة3: بدلي كذلك الماء وديريلوا ماء زهر +كمية كبيرة تاع لفاني + عطر اللوز
وديري الكوكاو في الكسكاس وغطيه بكمية مليحة تاع لفاني
وديريه يفور للمرة3 وحطيه في القصعة وحكيه بين يديك وخليه يبرد
مبعد فرشي ورق الطبخ في سنيوة وحطي فوقها الكوكاو
وغطيه بورق الطبخ
وخليه بعيد على الشمس في اي غرفة عندك لمدة يومين او 3 كل يوم تبدليلوا الورق تلقايه طلق الزيت حتى ينشف .
اتمنى الطريقة تعجبكم وتجربوها ومتنساونيس من دعوة جميلة لي ولاولادي.
التحضير: 3كيلات لوز مرحي مدشش + عبار سكر عادي + قشور الليمون بزيادة
خلطيهم وعاودي ارحيهم مع بعض مبعد حطيه في اناء وضيفيلهم نص عبار سكر ناعم وخلطي + البيض بالحبة واعجني حتى تتلم
غطيها وخليها ترتاح3ساعات.
مبعد رشي المايزينة وحليها خشينة واطبعي اي شكل تحبيه
مبعد حطيها في صينية الفرن وخليها كذلك ترتاح من 2سا الى 2سا ونص
دخليها تطيب في فرن 180درجة لمدة 15د.
الشربات: كاس سكر +كاس ماء +قطعة ليمون يطيب بصح يقعد خفيف لما تجي طفي+ 2مغارف معجون يغلي غلية وحدة وطفي.
لما تخرجي لمخبز خليه يبرد مبعد دخليه في الشربات تكون دافئة
مبعد قطريه وخليه لمدة 1ساعة يقطر
مبعد اطليه بالقلاساج وزوقيه كيما تحبي والقلاساج الوصفة موجودة في مواضيعي هنا.
على بالي كامل راكم تنتظروا في المفاجاة
هذا المخبز مخدمتوش باللوز خدمتوا بالكوكاو بدلتوا ذوقه الى بنة اللوز جا اكثر من رائع وكان محضر باللوز كون متقوليش بلي كوكاو مكاش ليعرف وحتى الورود لزينت بيهم لمخبز حضرت عجينة اللوز بالكوكاو وجات ماشاء الله طبعا لمخبز شكلوا بسيط لاني كنت نجرب فقط في ذوق الكوكاو.
وكنت حضرت بيه التمر بعجينة اللوز
تحويل الكوكاو الى بنة اللوز عندك 3مراحل
المرحلة الاولى: ترحي الكوكاوالابيض كيما نرحوه لاي عقدة مبعد ديري الماء يغلي وفيه قطع ليمون
والكوكاو ديريه في كسكاس متخافوش راه ميطيحش منه وديريوا فوقه ابراج ليمون
وخليه يفور مبعد كي يفور حطيه في قصعة
وحكيه بين يديك
وخليه يبرد لمدة 10د.
المرحلة 2:تبدلي الماء وديريلوا ماءزهر+5حبات قرنفل
والكوكاو ديريلوا شوية من لفاني وديريه يفور للمرة الثانية مبعد كي يفور حطيه في القصعة وحكيه وخليه يبرد 10د.
المرحلة3: بدلي كذلك الماء وديريلوا ماء زهر +كمية كبيرة تاع لفاني + عطر اللوز
وديري الكوكاو في الكسكاس وغطيه بكمية مليحة تاع لفاني
وديريه يفور للمرة3 وحطيه في القصعة وحكيه بين يديك وخليه يبرد
مبعد فرشي ورق الطبخ في سنيوة وحطي فوقها الكوكاو
وغطيه بورق الطبخ
وخليه بعيد على الشمس في اي غرفة عندك لمدة يومين او 3 كل يوم تبدليلوا الورق تلقايه طلق الزيت حتى ينشف .
اتمنى الطريقة تعجبكم وتجربوها ومتنساونيس من دعوة جميلة لي ولاولادي.
ما شااااااااااااااااااااااااااااااااااء الله عليك ياسمين والله فكرة الكاوكاو مذهلة
ردحذفقوليلي كي نرحيه في الاول نقليوه ولا لا
وتاني شحال المدة في كل تفويرة
ربي يجازيك عنا ويصلحكلك اولادك ويسخرلك زوجك ياااااااااارب
اخ يا صبربر وشحال توحشتك وياسمين
حذفبارك الله فيك اختي الغالية صبرينة تعليقاتك دائما في القمة
ردحذفالكوكاو متحمصيهش طول بيض ترحيه وتفوريه
المدة تاع التفويرة كتمسيه تلقايه فار كيما الطعام ميطولش بلاك 10د او اقل
شكرا لكي
تسلميييي ياسمين على الاجابة والتوضيح
ردحذفحنونة معنكش فكرة كيفاه ننزعو قشور الكاوكاو بلا ما نقليوه ولك كل الشكر حبوووووووووبة
بارك الله فيك ياسمينتي
ردحذفيبارك فيك اختي فريدة منورة دائما
ردحذفاختي صبرينة الكوكاو نسخنو شوية في الكوشة مبعد نحكو بين يديا بصح الصراحة متعب لذلك نشري الابيض
يعطيك الصحة ياسمين...صديقتك ام كوثر
ردحذفالله يسلمك كوكو مرحبا بيك نورتيني لا تحرميني ردودك اختي الغالية تقبلي تحياتي
ردحذففكرة راااااائعة يعطيك الصحة باذن الله نجربها
ردحذفعلىفكرة ياسمين انا أم بلال
ردحذفمرحبا بيك اختي الغالية ام بلال ليك وحشة والله نورتيني زوريني دوما شكرا لكي
ردحذفياسمين حبيبي عندي اسئلة
ردحذف١/ في كيلو كوكاو شحال من ملعقة ماء الزهر وتاني اكستري تع لوز؟ /يخي ما نحطوهش في الكوكاو فقط في الماء مع ماء الزهر؟
٢/الفاني نحطها فوق الكوكاو يفور ولا نحكوها فيه ومن بعد نحطوه يفور؟؟
٣/نقدر نوجد العقدة ونخبيها في الكونجيلاتور؟؟
اسمحيلي ثقلت عليك لاني بصراحة اثق في وصفاتك
بارك الله فيك وربي يسخرلك زوجك ويحفضلك ولادك ويرزقك صلاحهم وبرهم يارب
امين يارب شكرا حبيبتي سيمو هذا من ذوقك الراقي
ردحذفمكثرتي ماوالو لازم تسقسي الماء زهر متخافيش منو ديري كيما تحبي كاس شاي او اكثر ولكستري تاع اللوز في كيلو ديري مغرف اكل الى 2مغارف وديريه فلماء مع ماءزهر اما الفاني حطيها ملفوق وبكمية وفيرة راح تعطيه ذوق هايل ومبعد اكيد كي يفور راح تلقايها ذابت فلكوكاو وبالنسبة تخبيها فلكونجيلاتور بكل تاكيد العقدة وحتى الكوكاو تخدمي بكمية كبيرة وديريه فلمجمد وقت الحاجة اجبدي منو. شكرا لكي .
ما قصرتي اغالية روحي ربي يرضى عليك ويعطيك ويمنيك مواااااح ليك يا احلى ياسمين
ردحذفياسمين جربت الكوكاو الليوم وبانلي حامض شوي مع اني طبقت حرفيا ربما كترت ترونش تع الليمون من فوق هل كيشيح يخف الدوق تاعو
ردحذفربي يبارك و يعطيك الصحة اختي
ردحذفيبارك فيك اختي ام سامي شكرا لكي
ردحذفلا متخافيش سيمو وخاصة الليمون راه يعطي ذوق رائع للحلويات واكيد راح كينشف تروح بنة لحموضة تماما
ردحذفشكرا سمونة صح ولا يجننن ربي يعطيك ما تتمني ويصلح زوجك واولادك يارب
ردحذفيسلمووووووووووووو غاليتي
ردحذفراني درتو البارح اممممممممممممممم والله ريحتو هااااايلة ومع الفاني وماء الزهر روووووعة
ياسمين قوليلي نقدرو نخليوه ينشف في الشمس باش ينشف بالخف سيرتو منين نعود مزروبة بيه
بارك الله فيك صبرينة وبصحتك التطبيق لا مديريهش في الشمس هو ميديش وقت بزاف كي ديري ورق الجورنال بلخف يطلق الزيت تاعو وينشف
ردحذفتسلميييييييييييييييييييييييييييييي حبيبة قلبي
ردحذفياسمين رااااح نهبلك قوليلي كون ندير المخبز بيه ممكن نستغنى على الشربات يعني منعسلوش ونديرلو القلاصاج مباشرة
موالفة بتاع اللوز منعسلوش ديراكت بالقلاصاج
لا متهبلينيش تعبك راحة حبيبتي صبرينة طبعا تقدري ديري وصفة المخبز العادية ديراكت للقلاساج بصح هذي الوصفة مختلفة على المخبز العادي يتعسل كيطيب نتي ديري كيما تحبي مدامك وجدتي الكوكاو ديري لمخبز العادي وان شاء الله يعجبك
ردحذفHTSolution chuyên cung cấp các dịch vụ thiết kế website-Dịch vụ phần mềm, phần mềm quản lý quán café với các chức năng ưu việt, thiết kế website giá rẻ tại tphcm, phần mềm quản lý nhà hàng HTRM chuyên nghiệp, thiết kế website chuyên nghiệp tại tphcm, nâng cấp và chỉnh sửa website nhanh chóng và hiệu quả, Dịch vụ thiết kế website du lịch trong nước và nước ngoài, Thiết website bất động sản chuyên nghiệp, thiết kế website chất lượng giá rẻ trên toàn quốc, ...…..vv.
ردحذفHãy liên hệ với chúng tôi theo địa chỉ. Hãy sở hữu ngay cho mình những tiện nghi giúp bạn phát triển trong lĩnh vực kinh doanh, và tiết kiệm nhiều thời gian công sức và tiền bạc của các bạn. Đầu tư chỉ một lần duy nhất, đơn giản tiện lợi và nhanh chóng mang rất nhiều lợi ích thiết thực đến các quý vị.
THÔNG TIN LIÊN HỆ
CÔNG TY TNHH HTSOLUTION
Địa chỉ: 78th Thăng Long - P.4 - Q.Tân Bình - TP.HCM
Điện thoại: (08) 6267 3377 (Anh Hoàng) or 0985327297 (Anh Trường)
Email: Info@htsolution.vn