لزانيا صنع منزلي

العجينةlapate fraiche
لكل 100غ فرينة حبة بيض
مثلا ديري 500غ فرينة+2 مغارف زيت زيتون و5 بيضات
او تديري 4بيضات في اناء+ 2 مغارف زيت زيتون وتخلطي وتلمي بالفرينة حتى تولي عجينة قاسحة شوية متخليهاش طرية غطيها وخليها ترتاح30د.
من جهة اخرى حضري صلصة الطماطم هدي الصلصة رائعة لكل انواع المعجنات بيتزا.............
4حبات طماطم نحيلهم الزريعة وارحيهم
في طاجين ضعي زيت او زيت زيتون+طماطم مرحية+ طماطم مصبرة+ثوم +ملح وفلفل اكحل وخليها تطيب.
بيشمال:75غ فرينة+75غ زبدة+1لتر حليب+ملح وفلفل اكحل وجوزة الطيب على النار حتى تعقد ملازمشتعقد بزاف تكون خفيفة شوية
لحم مرحي طبيبه بالبصل وملح وفلفل اكحل ومعدنوس وزيت كيما تاع لبوراك.
لما ترتاح العجينة نقطعها قطع ودائما نرش الفرينة 

نحلها في رقم 1 ثم3 ثم فلاخير تكون رقيقة كيما تاع البقلاوة

نقطع قطع
ثم ندير ماء يغلي+ملح ومغرف زيت لما يغلي

لما يغلي نرمي قطع العجينة فيه

لما تطلع فوق الماء يعني تطفو نحها من الماء ونكون وجدت اناء اخر فيه ماء بارد نحطهم فيه

نصفيهم في كسكاس

مبعد نحطهم فوق فوطة ينشفوا قليلا

نبدا بتحضير الزانيا
ندير طبقة لزانيا في مول مدهون

ثم ندير صلصة طماطم

فوقهاشوية لحم مرحي

ثم ندير شوية بيشمال

مبعد جبن مرحي ونكمل هكدا حتى نكمل كل الطبقات بنفس الطريقة فلاخير ندير صلصة طماطم ولحم وشوية بيشمال وجبن مرحي

دخليها للفرن حتى تتحمر

كيما دركت هدي العجينة الاساسية لصنع جميع المعجنات بانواعها ماقرون .......................الخ
لصنع تقليتال
لما تحلي العجينة فلجهة الرقيقة فوتيها في جهة الرشتة العريضة ورشيها بالفرينة تخرجلك تقليتال

غليها بنفس الطريقة وطبيبها بصلصة الطماطم او البيشمال او صوتي..............